Verkefnin

Af hverju

Sveitarstjórinn þarf að þekkja og skilja raunveruleika íbúa í Skagafirði til að geta talað máli þeirra og haft forystu um úrbætur.

Hvernig

Sveitarstjóri heimsækir fyrirtæki og stofnanir reglulega yfir kjörtímabilið, hlustar á það sem þarf að bæta og fylgir málum eftir. Jafnframt viljum við að sveitastjóri hafi reglulega viðveru vítt og breytt um sveitarfélagið til að auka aðgengi að honum og efla samtalið.

Af hverju

Það skiptir máli að rödd Skagafjarðar heyrist og að kröfum sé fylgt eftir með festu. Þessu verkefni hefur verið vel sinnt undanfarin ár og þarf að viðhalda því og auka samtal við þingmenn svæðisins.

Hvernig

Við tökum frumkvæði og leiðum samtal um forgangsmál Skagafjarðar og fylgjum málum eftir af krafti gagnvart ríkisvaldinu. Við tryggjum upplýsingagjöf þar sem þörf er á.

Af hverju

Fjölskyldur með fleiri börn í leikskóla og frístund glíma við há mánaðarleg útgjöld sem getur verið hindrun fyrir barneignir og búsetu í Skagafirði. Þetta eru fjármunir sem eru beint í vasa barnafjölskyldna.

Hvernig

Við breytum gjaldskrá leikskóla og frístundar þannig að fjölskyldur greiði aðeins fyrir eitt barn, óháð fjölda systkina.

Af hverju

Há æfingagjöld geta útilokað börn frá íþróttastarfi, sem dregur úr hreyfingu, samfélagsþátttöku og forvarnargildi íþrótta. Skagafjörður er heilsueflandi samfélag þar sem öll eiga að hafa samskonar tækifæri til íþróttaiðkunar, óháð fjárhagsstöðu. Það hefur sýnt sig um land allt að hækkun hvatapeninga skilar sér beint í æfingagjöld og kemur sérstaklega niður á fjölskyldum þar sem börn æfa fleiri en eina íþrótt.

Hvernig

Við viljum byrja á því að taka samtal við íþróttafélögin um rekstur, aðstöðu og annað sem hefur áhrif á kostnað til að kanna hvort hægt sé lækka kostnað án þess að það skerði starfið. Það útilokar ekki að við hækkum hvatapeninga á kjörtímabilinu en við viljum leita annarra leiða fyrst til þess að styðja börn til íþrótta- og tómstunda.

Af hverju

Yngstu börnin vita ekki alltaf hvaða íþróttagreinar henta þeim best - með einu gjaldi gætu þau kynnst mörgum greinum áður en þau velja það sem hentar þeim best. Þetta þekkja margir foreldrar en þessu fylgja líka áskoranir fyrir íþróttafélögin og því mikilvægt að samtal hefjst sem fyrst um möguleikann á slíku samstarfi.

Hvernig

Við leiðum samtal við íþróttafélögin um sameiginlegan pakka fyrir börn fyrstu árin að mörgum greinum yfir skólaveturinn þegar þau eru á þeim aldri að þau eru að átta sig á hvar þeirra áhugi og styrkleikar liggja.

Af hverju

Núverandi fyrirkomulag skráningardaga hentar ekki öllum fjölskyldum, sérstaklega ekki þeim sem vita ekki með 4 vikna fyrirvara hvort þau þurfi að nýta skráningardaga. Nauðsynlegt er að rýmka aðeins reglurnar í kringum skráningu til þess að fyrirkomulagið þjóni fleirum.

Hvernig

Við förum yfir skráningardagana í samráði við starfsfólk og foreldra og útfærir betra fyrirkomulag sem virkar betur. Vinna er nú þegar hafin.

Af hverju

Tónlistarskólinn á Sauðárkróki býr ekki við góða aðstöðu sem takmarkar starfsemi og kemur niður á gæðum kennslu fyrir nemendur.

Hvernig

Við finnum varanlegt húsnæði, í samstarfi við stjórnendur, sem uppfyllir kröfur um aðstöðu til kennslu, við höfum þegar hugmyndir sem gætu nýst tónlistarskólanum með viðbyggingu við Árskóla yfir í nýtt fjölnota íþróttahús á íþróttasvæðinu.

Af hverju

Varmahlíðarskóli og Grunnskólinn austan vatna hafa náð eftirtektarverðum árangri í Skólahreysti undanfarin ár. Við viljum að öll börn í Skagafirði geti æft sig fyrir Skólahreysti í frímínútum og utan skólatíma.

Hvernig

Við tryggjum að settar verði upp skólahreystibrautir við alla grunnskóla í Skagafirði á kjörtímabilinu. Staðsetning verður ákveðin í samráði við börn og starfsfólk á hverjum stað.

Af hverju

Það er ekki lögmál að sveitarfélög reki alla leikskóla sveitarfélagsins og eru tugir sjálfstætt rekinna leikskóla til um land allt, t.d. Hjallastefnan sem er hvað stærst í þeim flokki. Í stóru samfélagi eins og Skagafirði er gott að foreldrar og starfsfólk hafi val og því teljum við mikilvægt að bjóða sjálfstætt starfandi leikskólum í samtal um hvort þeir hafi áhuga á að reka leikskóla í Skagafirði skv. samningi milli sveitarfélagsins og rektstraraðilans.

Hvernig

Við höfum samband við sjálfstætt starfandi leikskóla og bjóðum til samtals. Okkur finnst mikilvægt að taka það fram að ferlið tekur tíma og verður ekki að veruleika nema með samningi milli sveitarfélags og rekstraraðila þar sem sveitarfélagið gerir vissar kröfur. Við erum ekki að lofa því að einhver leikskóli í Skagafirði verði sjálfstætt starfandi á kjörtímabilinu heldur að við munum hefja það samtal.

Af hverju

Eldri borgarar eiga skilið virðingu og þjónustu sem þróast með breyttum þörfum og fjölgun eldra fólks í Skagafirði.

Hvernig

Við höldum áfram núverandi verkefnum og leggjum áherslu á þjónustu sem mætir breyttum þörfum aldraðra í samstarfi við öldungaráð, félag eldri borgara og aðra hagaðila.

Af hverju

Hreyfing, félagslíf og fræðsla eru lykilforsendur lífsgæða og heilsu á efri árum og dregur úr kostnaði við heilbrigðisþjónustu til lengri tíma.

Hvernig

Sveitarfélagið og félag eldri borgara vinna saman að því að finna hentuga aðstöðu til tómstunda- og líkamsræktar. Jafnframt mun sveitarfélagið í samvinnu við félag eldri borgara auka fræðslu með reglulegum viðburðum um hagsmunamál eldri borgara.

Af hverju

Margir eldri borgarar vilja flytja í minna húsnæði en finna ekki hentugar íbúðir í sínum byggðakjarna.

Hvernig

Sveitarfélagið vinnur með leigufélögum að því að finna hentuga staðsetningar fyrir uppbyggingu íbúða fyrir eldri borgara í öllum byggðakjörnum.

Af hverju

Aðgangur að íþróttum og menningu á að vera einfaldur fyrir alla, óháð aldri eða efnahag - Lýðheilsukort sérstaklega hannað fyrir eldri borgara getur dregið úr fjárhagslegum hindrunum fyrir virka þátttöku á efri árum.

Hvernig

Sveitarfélagið útfærir Lýðheilsukort sem nær sérstaklega til þarfa eldri borgara, með samstarfssamningum við t.d. sundlaugar, íþróttahús, golfklúbb og menningarstofnanir.

Af hverju

Tekjulægri eldri borgarar eiga oft erfitt með að taka virkan þátt í samfélaginu vegna kostnaðar - hvatapeningar, líkt og barnafjölskyldur njóta, bæta lífsgæði þeirra og draga úr einangrun.

Hvernig

Við setjum upp hvatapeninga með skýrum tekjuþröskuldum sem nýtist til þátttöku í íþróttum, menningu og félagsstarfi eldri borgara.

Af hverju

Á Sauðárkróki er íþróttahúsið fullnýtt og aðstaðan löngu sprungin. Afleiðingin er sú að börn og ungmenni í Skagafirði hafa ekki sömu tækifæri til æfinga og jafnaldrar þeirra annars staðar á landinu. Það er ekki ásættanlegt. Það er okkur mjög mikilvægt að börn og unglingar geti gengið á æfingar og í tómstundir beint frá grunnskólanum, án þess að fara yfir götu. Þetta er sérstaða íþróttasvæðisins á Sauðárkróki og henni má ekki fórna.

Hvernig

Fyrsta skrefið er heildstætt mat á þörfum hverrar íþróttagreinar, svo húsnæðið nýtist sem best. Það er ekki síður mikilvægt við svo stóra framkvæmd að hugsa út fyrir kassann. Með fjölnota íþróttahúsi væri hægt að tvinna aðra starfsemi undir sama þak þar sem þörfin er ekki síður brýn. Aðstaða fyrir Tónlistarskóla Skagafjarðar, rými fyrir ungmenni milli skóla og tómstunda, fjölgun klefa og langþráð aðstaða fyrir þjálfara og sjálfboðaliða. Jafnframt þarf að huga að bættri aðstöðu fyrir eldri borgara til líkamsræktar og skapa vettvang þar sem ungir sem aldnir deila aðstöðu.

Af hverju

Sundlaugin í Varmahlíð er mikilvæg fyrir íbúa á svæðinu en heitur pottur og hljóðvist í íþróttahúsinu þarf að bæta til að þjóna íbúum vel. Einnig þarf að endurskoða útiaðstöðu í Varmahlíð.

Hvernig

Við ráðumst í endurbætur m.a. með nýjum heitum potti í sundlauginni og bættri hljóðvist í íþróttahúsinu á kjörtímabilinu í samráði við notendur á svæðinu.

Af hverju

Loksins! Íbúar á Hofsósi þurfa fullnægjandi íþróttaaðstöðu eins og aðrir í Skagafirði - þetta er löngu tímabært verkefni sem hefur verið lengi á teikniborðinu og íbúar á Hofsósi og nágrenni hafa beðið of lengi eftir því.

Hvernig

Við höldum áfram með verkefnið sem þegar er hafið og tryggir að útboði og framkvæmdum ljúki innan kjörtímabilsins. Nú þegar er búið að setja fjármagn í verkefnið fyrir árið 2026 skv. fjárhagsáætlun.

Af hverju

Hestamennska er hluti af sérstöðu Skagafjarðar og góð aðstaða til upphitunar, kennslu og keppni styrkir samfélagið. Núverandi aðstaða er ekki nógu góð fyrir þá fjölbreyttu starfsemi sem þarf að fara fram við Svaðastaði.

Hvernig

Við vinnum með Flugu hf. að skipulagðri uppbyggingu bættrar aðstöðu við reiðhöllina Svaðastaði sem þjónar upphitun, kennslu og keppnishaldi.

Af hverju

Aðgangur að íþróttum og menningu á að vera einfaldur fyrir alla, óháð aldri eða efnahag - Lýðheilsukort að fyrirmynd Akureyrar getur dregið úr fjárhagslegum hindrunum og eflt lýðheilsu íbúa.

Hvernig

Við búum til Lýðheilsukort sem nær til allra íbúa með samstarfssamningum við sundlaugar, íþróttahús og menningarstofnanir. Horfum til þess sem gert er á Akureyri í þessum málum með góðum árangri.

Af hverju

Sundlaugar eru frábærir staðir til þess að taka frí frá amstri dagsins og njóta útiveru með fjölskyldunni, í góðra vina hópi eða í eigin heimi. Lengi hefur verið eftirspurn eftir því að komast í sund, t.d. seinna á kvöldin um helgar, og tímabært að skoða hvort mögulegt sé að endurskoða opnunartíma til að mæta betur þörfum íbúa.

Hvernig

Við könnum eftirspurn meðal íbúa fyrir sundlaugarnar og greinir kostnaðinn við breyttan opnunartíma.

Af hverju

Góðir stígar styðja við lýðheilsu, ferðaþjónustu og daglegt líf og tengja saman byggðakjarna sveitarfélagsins, sem bætir samgöngur og samfélagskennd.

Hvernig

Við vinnum með Vegagerðinni, Hestamannafélaginu Skagfirðingi og íbúum að áætlun um uppbyggingu og viðhald stíga um allan fjörð. Jafnframt verður gert átak í merkingum.

Af hverju

Litli-skógur er einstakt grænt svæði á Sauðárkróki og við teljum tækifæri til þess að gera það enn betra útivistarsvæði fyrir íbúa og ferðamenn.

Hvernig

Við fjárfestum í aðstöðu, gönguleiðum og leiktækjum sem gera Litla-skóg að áhugaverðum áfangastað allt árið. Þannig sköpum við fleiri gæðastundir meðal íbúa og gerum Skagafjörð skemmtilegri.

Af hverju

Fegra umhverfið.

Hvernig

Við mótum áætlun fyrir þéttbýliskjarnana í samráði við fagfólk og íbúa um hvar og hvernig við aukum gróðursetningu með jákvæðum áhrifum fyrir hvert svæði fyrir sig.

Af hverju

Við ætlum að gera Skagafjörð skemmtilegri fyrir alla og höfum fengið ábendingar um að það megi bæta aðstöðu fyrir yngstu kynslóðina, t.d. með hoppubelgjum, á Steinsstöðum og Hólum.

Hvernig

Við finnum leiðir á kjörtímabilinu til að setja upp hoppubelgi á þessum tveimur stöðum sem hluta af leikaðstöðu fyrir börn í dreifbýli og mögulega fleiri stöðum ef góðar tillögur berast.

Af hverju

Sjálfboðaliðar eru ómetanlegir hornsteinar samfélagsins - þeir sinna mikilvægu starfi sem hefur áhrif á samfélagið og því er mikilvægt að halda áfram að styðja við félagasamtök þeirra.

Hvernig

Við höldum áfram með beinum styrkjum, niðurfellingu fasteignagjalda og/eða framlagi á móti, og samstarfssamningum sem tryggja stöðugan rekstrargrundvöll félagasamtaka.

Af hverju

Hátíðir og viðburðir styrkja samfélagskennd, draga heimamenn saman og styðja við ferðaþjónustu. Sumardaginn fyrsta, Hofsós Heim, 17. júní og Bjórhátíðin á Hólum eru odæmi um viðburði sem við viljum efla enn frekar og vonandi má bæta við fleirum.

Hvernig

Við styðjum við skipulag, kynningu og umgjörð viðburða í samstarfi við félagasamtök, hátíðarnefndir og atvinnulífið með þeim hætti sem téðir aðilar telja að geta hjálpað.

Af hverju

Kynslóðir læra hver af annarri og samvera ungra og aldinna styrkir samfélagsanda. Við viljum búa í samfélagi sem er ríkt af mannlífi og menningu.

Hvernig

Við ryðjum úr vegi hindrunum og köllum eftir hugmyndum frá íbúum um sameiginlega viðburði sem tengja kynslóðir, og við hjálpum til við að láta góðar hugmyndir verða að veruleika.

Af hverju

Við ætlum að tryggja að íbúar viti hvert hægt er að leita eftir hjálp við geðheilbrigðistengdar áskoranir. Margir vita ekki hvert á að leita þegar þörf er á og snemmbúin þjónusta getur breytt öllu - bæði fyrir einstaklinga og aðstandendur.

Hvernig

Við birtum upplýsingar um hvert hægt er að leita, og vinnum með heilbrigðisstofnunum og félagasamtökum að bættri upplýsingagjöf og samtali um hvernig við sérhæfðir aðilar geta aukið þjónustu sína við íbúa.

Af hverju

Atvinnuþátttaka eykur lífsgæði, sjálfstæði og samfélagsþátttöku fatlaðs fólks og öryrkja.

Hvernig

Við leiðum samtal við Vinnumálastofnun, atvinnulífið, FNV og Iðju ásamt öðrum hagaðilum með það í huga að skilgreina hentug verkefni sem fatlað fólk og öryrkjar gætu tekið að sér. Ekki geta allir tekið að sér reglubundin verkefni en margir hafa þann kost þegar heilsan er góð að taka að sér misstór hlutverk eða verkefni sem hafa sérstaklega jákvæð áhrif á andlega heilsu.

Af hverju

Allir íbúar og gestir í sveitarfélaginu eiga rétt á aðgangi að byggingum, þjónustu og útivist - skortur á aðgengi getur útilokað fólk frá samfélaginu.

Hvernig

Við höldum áfram úrbótum á aðgengi og hvetur aðra sem veita þjónustu í sveitarfélaginu til að gera slíkt hið sama.

Af hverju

Hækkandi fasteignamat hefur aukið kostnað heimilanna með hækkandi fasteignaskatti. Við höfum lækkað álagningarprósentu á kjörtímabilinu og verðum að halda því áfram til að tryggja að fasteignaskattar hækki ekki að raunvirði á meðan sveitarfélgið hefur fjárhagslega getu til þess.

Hvernig

Við lækkum álagningarprósentu fasteignaskatts í áföngum þegar fasteignamat hækkar, þannig að álögur á heimilin haldist í samræmi við greiðslugetu. Við þurfum líka að skipta upp greiðsluseðlinum svo að fasteignagjöldin komi á einum seðli og sorphirða og önnur gjöld á öðrum seðli svo íbúar sjái hvað þeir greiða raunverulega í fasteignagjöld.

Af hverju

Fjölbreytt íbúðauppbygging er eitt af forsendum þess að íbúum fjölgi í sveitarfélaginu. Þróunarfélag tryggir markvissa uppbyggingu með þarfir íbúa og atvinnulífs að leiðarljósi.

Hvernig

Við köllum atvinnulífið til samstarfs um þróunarfélag sem vinnur að uppbyggingu fjölbreyttra íbúða og tryggir framgang verkefna.

Af hverju

Fjölbreytt framboð lóða gerir bæði einstaklingum og fyrirtækjum kleift að byggja eftir þörfum.

Hvernig

Áfram verður unnið að skipulagningu fjölbreyttra lóða (einbýli, raðhúsalóðir, fjölbýlishúsalóðir, atvinnulóðir) sem uppfyllir þarfir í öllum þéttbýlisstöðum.

Af hverju

Margir íbúar, sérstaklega ungt fólk og þeir sem eru að flytja á svæðið, hafa ekki möguleika á að kaupa og þurfa örugga leigu, a.m.k. tímabundið þar sem sumir vilja prófa að búa í Skagafirði áður en þeir festa sér heimili þar til frambúðar. Þetta er forsenda fyrir því að fá fleiri íbúa í sveitarfélagið og að hægt sé að fá ungt fólk aftur heim.

Hvernig

Við vinnum með þeim sem hafa áhuga á að byggja íbúðir til leigu hvort sem það eru félög eins og Bríet eða aðrir sem vilja byggja hentugar leigueiningar.

Af hverju

Gamli bærinn er menningararfur Sauðárkróks en hefur látið á sjá. Hann hefur möguleika á að verða aðlaðandi miðbær með blandaðri byggð, þjónustu og menningu.

Hvernig

Við vinnum í samvinnu við íbúa að þróun á gamla bænum þannig að haldið sé í upprunann í bland við nýtt skipulag sem gefur honum aukin tækifæri til að þróast og fái aukið hlutverk með fjölbreyttri starfsemi og fleiri íbúðum.

Af hverju

Skagafjörður á að eiga öflugt heimili fyrir sviðslistir og menningararfinn, en framkvæmdin verður að ganga upp fjárhagslega.

Hvernig

Við byrjum á því að fara í útboð til þess að fá raunverulega kostnaðaráætlun og þurfum svo að skoða hver næstu skref eru í kjölfarið, m.a. í samtali við ríkið.

Af hverju

Neðri bærinn er með úreltar lagnir og götur sem þurfa endurnýjun. Það er brýnt að fara í markvissa endurnýjun á þeim þáttum.

Hvernig

Við höldum áfram viðhaldi gatna og lagna í neðri bænum á Sauðárkróki samkvæmt nýsamþykktri áætlun.

Af hverju

Hólar í Hjaltadal eru söguleg perla Skagafjarðar en óljóst staðarhald hefur staðið í vegi fyrir uppbyggingu. Íbúar eiga skilið sömu þjónustu og íbúar í öðrum byggðakjörnum og staðurinn þarf á viðhaldi að halda.

Hvernig

Við leiðum samtal við ríkið, Háskólann á Hólum og íbúa um yfirfærslu og uppbyggingu, og útfærum svo aðal- og deiliskipulag sem leyfir raunverulega uppbyggingu.

Af hverju

Tjaldsvæðið í Varmahlíð er mikilvægt fyrir ferðaþjónustu og íbúa á svæðinu en aðstaða og umgjörð þarfnast endurbóta.

Hvernig

Ráðast þarf í nauðsynlegar endurbætur á tjaldsvæðinu svo hægt sé að bjóða uppá þá þjónustu skv. samningi við rekstraraðila.

Af hverju

Núverandi bílastæði við skólabyggingar, sundlaug og menningarhúsið Miðgarð í Varmahlíð er óöruggt og þarfnast úrbóta til að börn og fullorðnir finni fyrir öryggi sérstaklega á álagstímum.

Hvernig

Við endurskipuleggjum bílastæðin í samráði við notendur þeirra, t.d. með skýru sleppisvæði og aðgreiningu bíla- og gönguleiða til þess að bæta öryggi fyrir börn og fullorðna.

Af hverju

Snjómokstur í dreifbýli Skagafjarðar er ekki alltaf í samræmi við þarfir íbúa - reglur og tíðni ráða því hvort fólk kemst í vinnu og börn í skóla. Tækifæri eru til staðar til þess að gera betur í samstarfi við Vegagerðina.

Hvernig

Við óskum eftir samstarfi við Vegagerðina um endurskoðun á reglum og tíðni snjómoksturs með áherslu á öryggi og daglegt líf íbúa, í samstarfi við íbúa á hverju svæði fyrir sig. Skýra upplýsingagjöf þarf til íbúa.

Af hverju

Gangand og hjólandi vegfarendur þurfa greiðfærar gangstéttir til að komast leiðar sinnar á öruggan hátt.

Hvernig

Við skilgreinum forgangsleiðir og tryggjum mokstur þeirra. Tímasetning og moksturskipulag sé skýrt á heimasíður Skagafjarðar.

Af hverju

Íbúar í dreifbýli hafa óskað eftir bættu upplýsingaflæði um snjómokstur í sveitarfélaginu með auknu samtali við Vegagerðina.

Hvernig

Samtal við Vegagerðina um hvernig bæta megi upplýsingagjöf um snjómokstur í dreifbýli.

Af hverju

Margar gangbrautir í Skagafirði eru illa merktar eða lýstar, sem getur leitt til slysa.

Hvernig

Við kortleggjum áhættustaði og bætum merkingar og lýsingu á gangbrautum.

Af hverju

Sorphirða er kostnaðasöm þjónusta sem þarf stöðugt aðhald og endurskoðun til að tryggja þjónustu og lágmarka kostnað fyrir íbúa.

Hvernig

Við gerum könnun meðal íbúa og ræðum við þjónustuaðila um tíðni sorphirðu og kostnað.

Af hverju

Alexandersflugvöllur er mikilvægur fyrir sjúkraflug og hugsanlega framtíðartækifæri, en flugstöðin er ekki í notkun og mætti nýta húsnæðið fyrir aðra starfsemi á meðan flugvöllurinn er ekki í reglulegri notkun.

Hvernig

Við tökum upp formlegt samtal við ISAVIA um stöðu flugstöðvarinnar og hugsanlegt nýtt hlutverk fyrir húsnæðið á meðan ekki eru reglulegar flugsamgöngur um völlinn.

Af hverju

Vegtenging milli framhluta Skagafjarðar og Kjálka með brú yfir jökulsárnar. Það styttir vegalengdir, eykur öryggi og opnar tækifæri fyrir atvinnulífið, ferðaþjónustu og bætir daglegar samgöngur íbúa.

Hvernig

Við beitum okkur fyrir vegtengingu í samtali við Vegagerðina og Innviðaráðuneytið.

Af hverju

Landbúnaður er hornsteinn atvinnulífs og samfélags í Skagafirði og bændur verða áfram að hafa sterkan málsvara gagnvart ríkinu og opinberum stofnunum.

Hvernig

Við beitum okkur áfram fyrir hagsmunum bænda í samskiptum við ríkið.

Af hverju

Matvælaframleiðsla nær frá frumframleiðslu til vinnslu og markaðssetningar - hlúa þarf að öll stigum til að héraðið haldi forystu sinni sem matvælahérað.

Hvernig

Við vinnum með atvinnulífinu, menntastofnunum og framleiðendum að samhæfðu stuðningsneti og mörkum stefnu um hvaða verkefni eigi heima í sveitarfélaginu.

Af hverju

Skagafjörður er öflugasta matvælaframleiðsluhérað landsins en markaðssetning er ekki samræmd. Sterkt vörumerki opnar tækifæri fyrir sölu afurða, ferðaþjónustu og fjárfestingar.

Hvernig

Við mótum markaðsstefnu með kynningarefni, sækjum um vörumerkið Matvælahéraðið Skagafjörður og störfum með framleiðendum um að nýta vörumerkið við auglýsingu á vörunum sínum.

Af hverju

Atvinnulíf og sveitarfélag standa oft frammi fyrir sömu áskorunum og tækifærum. Reglulegt samtal opnar á ný tækifæri og styður við sameiginleg verkefni og bætta þjónustu.

Hvernig

Við setjum upp upp vettvang með reglubundnum fundum með atvinnulífinu þar sem tækifæri og áskoranir eru rædd og útfærð.

Af hverju

Bein flug á Akureyri opnar Skagafjörð fyrir ferðamenn og styrkir heilsársferðaþjónustu. Jafnframt eykur það aðgengi íbúa að millilandaflugi.

Hvernig

Við vinnum með sveitarfélögum á Norðurlandi og flugfélögum að sameiginlegri hagsmunagæslu og markaðssetningu fyrir beinu flugin í samvinnu við ÍSAVIA.

Af hverju

Heilsársferðaþjónusta skapar heilsársstörf og betri rekstrargrundvöll fyrir gistingu, veitingastaði, afþreyingu og alla stoðþjónustu í ferðaþjónustu.

Hvernig

Við vinnum með ferðaþjónustunni á svæðinu, t.d. að bættri markaðssetningu á þeirri starfsemi sem er til staðar.

Af hverju

Skagafjörður er heimavöllur Íslenska hestsins og á einstakan sagnaarf og menningu sem fáir aðrir staðir hafa. Þessa sérstöðu á að nýta til að gera héraðið að miðpunkti ævintýra á Íslandi.

Hvernig

Við mótum markaðsstefnu sem byggir á þessari sérstöðu og vinnur með ferðaþjónustuaðilum að samhæfðri kynningu.

Af hverju

Varmahlíð er vel staðsett fyrir ferðaþjónustu og vinsæll áfangastaður ferðamanna. Sundlaug, gistirými og náttúruperlur í kring gera staðinn að náttúrulegum miðpunkti.

Hvernig

Við höfum skipulagt fjölda nýrra orlofshúsalóða í Varmahlíð. Opna þarf samtal við stéttarfélög og fjárfesta um hraða uppbyggingu til að efla Varmahlíð sem enn öflugri áfangastað ferðamanna. Jafnframt verður Varmahlíð markaðsett sem spennandi áfangastaður ferðamanna.

Af hverju

Saunaupplifun er vaxandi þáttur í heilsu- og ferðaþjónustu. Skagafjörður getur markað sér sérstöðu með einstakt aðgengi að fjölbreyttri sauna aðstöðu vítt og breytt um Skagafjörð.

Hvernig

Við skipuleggjum svæði að ósk rekstraraðila ef það hentar þar sem hægt væri að setja upp Sauna samhliða annarri starfsemi, t.d. veitingarekstri, göngu- eða hjólaleiðum eða við sjóinn og vinnum með rekstraraðilum og fjárfestum að uppbyggingu saunaaðstöðu og markaðssetjum Skagafjörð sem höfuðstað saunamenningar á Íslandi.

Af hverju

Bæta þarf verknámsaðstöðu Fjölbrautarskólans. Aðstaðan er löngu sprungin og óviðunandi.

Hvernig

Við ásamt stjórnendum FNV förum fyrir áframhaldandi samtali við ríkið um fjármagn til stækkunar verknámshúss og með áherslu á að framkvæmdir hefjist sem fyrst.

Af hverju

Háskólastarfsemi laðar að sér ungt fólk, fjárfestingar og rannsóknir. Gríðarleg tækifæri felast í sameiningu Háskólans á Hólum og Háskóla Íslands og mikilvægt að sveitarfélagið vinni þétt með þeim að áframhaldandi uppbyggingu í sveitarfélaginu.

Hvernig

Við vinnum með Háskólanum á Hólum og Háskóla Íslands að uppbyggingu starfseminnar. Tryggja þarf fjármögnun og eflingu starfseminnar á svæðinu.

Af hverju

Tenging milli atvinnulífs og skóla skapar jarðveg fyrir nýsköpun, ný fyrirtæki og ný störf. Þekkingargarðar veita þeim umgjörð og skapar sérstöðu fyrir svæðið sem samfélag sem leggur áherslu á menntun, nýsköpun og rannsóknir.

Hvernig

Við vinnum með FNV, Háskólanum á Hólum og atvinnulífinu að uppbyggingu þekkingargarða sem hýsa nýsköpun og samstarfsverkefni.

Af hverju

Smábátahöfnin er notuð af mörgum aðilum en bæta þarf úr aðgengismálum með þarfir notenda í huga.

Hvernig

Við endurskoðum skipulag smábátahafnarsvæðisins með notendum og úfærum betri aðstöðu, vatn, rampa og bílastæði.

Af hverju

Stækkun hafnarinnar er forsenda þess að höfnin geti tekið við stærri skipum og opnað fleiri tækifæri fyrir atvinnulíf í Skagafirði.

Hvernig

Við fylgjum eftir þeim framkvæmdum sem hafnar eru við höfnina. Að verkið verði klárað og áætlun haldi. Regluleg samskipti við Vegagerðina og Innviðaráðuneytið og tryggi fjármögnun.

Af hverju

Hofsóshöfn þjónar smábátum, hobbýbátum og björgunarsveit. Viðhald og uppbygging tryggja að höfnin haldi áfram að virka fyrir samfélagið.

Hvernig

Við vinnum að viðhaldi á bryggju og fjölgun plássa fyrir smábáta.

Af hverju

Heitt vatn er grundvallarinnviður atvinnulífs - matvælavinnsla, ferðaþjónusta og iðnaður þurfa traustan aðgang að heitu vatni til vaxtar.

Hvernig

Við vinnum áfram að tryggu aðgengi að heitu vatni með bættri tengingu og nægu magni.

Af hverju

Kalt vatn er forsenda matvælavinnslu og iðnaðar á Sauðárkróki. Skortur á köldu vatni hamlar áframhaldandi uppbyggingu atvinnulífs.

Hvernig

Við fjárfestum í vatnsveitu sem tryggir nægt og traust aðgengi að köldu vatni fyrir núverandi og framtíðar atvinnustarfsemi.

Af hverju

Skagafjörður býr að orkuauðlindum sem nýta má í sátt við náttúruna. Aukin orkuvinnsla skapar verðmæti, eykur öryggi og styður við atvinnulíf í héraði.

Hvernig

Við aukum hagsmunagæslu gagnvart stjórnvöldum með almannahagsmuni í huga varðandi orkuöryggi fyrir landið í heild. Jafnframt þarf að kortleggja tækifæri sem skapast á svæðinu með aukinni raforkuframleiðslu.